مابغيتش راجل عروبي
الفصل الأول
مع الحادية عشرة ديال الليل، الوالد واقف فالصالة كيتمشى بعصبية، وعينيه عمرين بالغضب، وهو كايقول للأم:
"ها شوفي بنتك، اللّيل نزل والساعة فاتت، ومازال ما دخلات! والله يلا ما جات دابا، لا هي لا نتي غادي تبقاو فهاد الدار، وغادي نبيع الدار والطوموبيل وكلشي، ونخليكم تدورو فالزنقة، باش تعرفو كلمتي شنو تسوا!"
الأم، لالة فوزية، كانت كتحاول تهدّيه، ولكن داخلها العاصفة كاتغلي، وحلفات فسرها: "حتى ترجع ليا بنتي، وغادي نتصرف معاها أنا!"
مع 11:30، حليت الباب بشوية، وأنا مرعوبة، لقيت ماما وبابا واقفين قدامي بحال الجبال، عينيهم كايخنزروا فيا، وماما كاتعاير، وأنا رغم الرعدة اللي حسّيت بيها، قسّحت وجهي، وقلت ليهم بصوت متمايل:
"مالكوم دايرين هاد الحالة؟ راني كنت غير فدار صاحبتي، تعشّينا وجيت..."
بابا زاد صوته تعلا، وأنا هربت للبيت ديالي، قلبو كان عمر بالغضب، وبقى كايعاود نفس التهديد: "غادي نبيع كلشي، وغادي نخليكم فحالكم!" ولكن فقلبي، كنت عارفة أنه غير كلام ديال ساعة الغضب.