الفصل الثالث
"ما نعستي؟"
قربت، وريّحت حداه، وبصوت مكسور، قلت ليه:
"بابا... سمح ليا، راه داك النهار و الله ما ..."
قاطعني ﻗﺎﻟﻲ:ﻻ ﺍﺑﻨﺘﻲ ﺩﻳﻚ ﺍﻟﻠﻴﻠﺔ ﻭﻣﻌﺎ 11:30 ﺩﻳﺎﻝ الليل
ﺑﻘﻴﺖ ﻛﻨﺸﻮﻑ ﻭﺣﺪﺭﺕ ﺭﺍﺳﻲ: ﻗﻠﺖ ﻟﻴﻪ ﺭﺍﻩ ﻏﻴﺮ ﻛﻨﺖ ﻣﻌﺮﻭﺿﺔ ﻟﻌﺸﺎ ﻭﺷﺪﻭﻧﻲ ﻭﺍﻟﻴﺪﻳﻦ ﺻﺎﺣﺒﺘﻲ. ﺧﻨﺰﺭ ﻓﻴﺎ :ﻣﺎﺧﻠﻴﺖ ﻟﻤﻦ ﻋﻴﻄﺖ ﺩﻳﻚ ﺍﻟﻠﻴﻠﺔ كاع ﺻﺤﺎﺑﺎﺗﻚ ﻭﺷﻮﻫﺘﻴﻨﻲ ﻣﻊ ﻭﺍﻟﻴﺪﻳﻬﻢ، ﻭﻣﺎﻣﺎﻙ ﺷﻮﻳﺔ ﻏﺎﺗﺤﻤﺎﻕ،ﻭﻧﺘﻲ ﺍﻻﻟﺔ ﺧﺪﺍﻣﺔ ﻛﺘﺒﻮﺭﺩﻱ ﻋﻠﻴﺎ ﻫﻨﺎ ﻭﻛﺘﻜﺪﺑﻲ ﻋﻠﻴﺎ، ﻳﺎﻛﻤﺔ ﻋﻨﺪ ﺑﺎﻟﻚ ﻣﺎﺟﺎﻳﺐ ﺧﺒﺎﺭ. ﺍﻳﻮﺍ ﻣﺰﻳﺎﻥ ﺑﻨﺘﻲ ﺍﻧﺎ ﺳﻬﺮﺍﻧﺔ ﻟﻴﺎ ﻣﻌﺎ ﺩﺭﺍﺭﻱ ﺍﻳﻮﺍ ﻫﺎﺩﻱ ﺯﻳﺪﻳﻬﺎ ﻋﻠﻰ ﺍﻟﺰﺑﺎﻳﻞ ﻟﻴﺪﻭﺯﺕ ﻟﻴﻚ ﺍﻧﺎ ﻭﻣﺎﻣﺎﻙ، ﻭﻟﻜﻦ ﻫﺎﺩ ﺍﻟﻤﺮﺓ ﻣﺎﻏﻨﺒﻘﺎﺵ ﻛﻨﺘﻔﺮﺝ ﻓﻴﻚ ﺳﻴﺮﻱ ﺗﻨﻌﺴﻲ
ماعاودتش ﻣﻌﺎﻩ ﺍﻟﻬﺪﺭﺓ ،ﺣﺴﻴﺖ ﺑﺸﻲ ﺣﺎﺟﺔ ﻭﺍﺣﻠﺔ ﻟﻴﺎ ﻋﻴﻨﻴﺎ ﻧﺰﻟﻮ ﻣﻨﻬﻢ ﺍﻟﺪﻣﻮﻉ ﺣﺴﻴﺖ ﺑﺮﺍﺳﻲ ﻣﺨﻨﻮﻗﺔ ﻭ ﻏﺎﺩﺍ ننفجر
ﻣﺸﻴﺖ ﻋﻨﺪ ﻣﺎﻣﺎ ﻟﺼﺎﻟﻮﻥ ﻟﻘﻴﺘﻬﺎ ﻣﺘﻜﻴﺔ وتكيت ﺣﺪﺍﻫﺎ ﻭﺑﺪﺍﺕ ﻛﺪﻭﺯ ﻟﻴﺎ ﺍﻳﺪﻳﻬﺎ ﻋﻠﻰ ﺷﻌﺮﻱ،ﻓﺎﺵ ﻛﺘﻌﻤﻠﻲ ﻫﺎﻛﺪﺍﻙ ﻛﻨﺘﺮﺧﻰ ﻭﻛﻨﺮﺗﺎﺡ ﻭﺗﻘﺮﻳﺒﺎ ﻧﻘﺪﺭ ﻧﻘﻮﻝ ﻛﻨﺴﻰ ﺍﻟﻬﻢ ﻭﻟﻠﻲ ﻓﻘﻠﺒﻲ
او لغد ﻟﻴﻪ ݣالينا ﺑﺎﺑﺎ راحنا ﻣﻌﺮﻭضين للعروبية لعرس ديال ولد ﻋﻤﺘﻮ بغا ﺗﺰﻭﺝ . ﻓﺎﺵ ﻛﻨﺴﻤﻊ ﻋﺮﺱ ﻓﺎﻟﻌﺮﻭﺑﻴﺔ ﻛﻨﺘﺨﻴﻞ ﺍﻟﻌﺮﻳﺲ شي حد ﻻ ﻋﻼﻗﺔ، ﻋﺮﻭﺑﻲ ﻛﺎﻥ ﻛﻴﺘﺴﺎﺭﺍ ﻋﺮﻳﺎﻥ ﻓﺎﺵ ﻛﺎﻥ ﺻﻐﻴﺮ وكاع الدواوير ﺷﺎﻳﻔﻴﻨو، ﻭﻭﺍﻟﻴﺪﻳﻪ ﻓﺮﺣﺎﻧﻴﻦ ﺑﻴﻪ وفخورين بولدهم، ﻭاﻟﻌﺮﻭﺳﺔ ﺷﻲ ﻭﺣﺪﺓ ﻛﺎﻧﺖ ﻣﺸﻌﻜﺔ ﻭﻋﺎﻣﺮﺓ ﺧﻨﻮﻧﺔ ﻓﺎﺵ ﻛﺎﻧﺖ ﺻﻐﻴﺮﺓ ﻭﻛﺎﺿﺎﺭﺏ ﻣﻌﺎ ﻛﻠﺸﻲ ﻭﺣﺘﻰ ﻫﻴﺎ ﻏﺎﺩﺓ ﺗﻜﻮﻥ ﺷﺎﻳﻔﺔ ﻟﻌﺮﻳﺲ ﻓﺎﺵ كان صغير ﻭﻛﺎﻥ ﻋﺮﻳﺎﻥ، ﻛﻨﺒﻘﺎ ﻧﻀﺤﻙ. ﻛﻨﺖ ﻛﻨﻀﺤﻚ ﻋﻠﻴﻬﻢ،ﻭﻟﻜﻦ ﻫﻤﺎ ﻟﻲ ﺿﺤﻜﻮ ﻋﻠﻴﺎ ﻣﻦ ﺑﻌﺪ
ﻣﺸﻴﻨﺎ وﻭﺻﻠﻨﺎ ﻣﺎﻛﺎﻳﻦ ﻏﻴﺮ ﺍﻟﺼﻬﻮﺩﺍﺕ. ﺑﺎﺑﺎ ﻭﺍﺣﺪ ﻟﻮﻗﻴﺘﺔ ﺑﺎﻥ ﻟﻴﺎ ﻣﻌﺼّﺐ ﺑﻘﺎ ﻛﻴﻘﻮﻝ ﻟﻤﺎﻣﺎ ﺷﻮﻓﻲ ﻫﺎﺩ ﺍﻟﻨﺎﺱ ﺧﺪﺍﻭ ﻟﻲ ﺣﻘﻲ ﻓﺎﻻﺭﺽ ﻭﺯﺍﺭﻋﻴﻨﻮ ﻛﻴﺴﺘﻐﻠﻮﻩ ﺑﻼ ﺧﺒﺎﺭﻱ. أﻧﺎ ﻟﻮ ﻛﻨﺖ ﻓﺒﻼﺻﺘﻮ ﻛﻨﺖ ﻏﺎﺩﺍ ﻧﻌﻄﻴﻠﻴﻬﻢ ﺍﻻﺭﺽ خصوصا وأنهم ﻣﺎﻓﺤﺎﻟﻬﻤﺶ، ﻭﻟﻜﻦ ﻣﺎﻛﻨﺘﺶ ﻓﺎﻫﻤﺔ ﺷﻨﻮ كاتعني ﺍﻻﺭﺽ بالنسبة ليهم. ﻭﻫﺎﺩﻭﻙ ﻛﻴﻘﻮﻟﻴﻚ ﺧﻮﺩ ﻭﺍﺣﺪ ﻣﻦ ﻭﻻﺩﻱ ﻭﻣﺎﻧﻌﻄﻴﻜﺶ ﻃﺮﻑ ﻣﻦ أﺭﺿﻲ. ﻣﻦ ﺳﻤﻌﺖ ﻫﺎﺩ ﺍﻟﻤﻘﻮﻟﺔ ﺗﺼﺪﻣﺖ ﻭﻟﻜﻦ ﻫﺎﺩﻱ ﻫﻴﺎ ﺍﻟﺤﻘﻴﻘﺔ ﺍﻟﻔﻼﺡ ﺍﻟﻤﻐﺮﺑﻲ ﻳﻀﺤﻲ ﺑﻜﻠﺸﻲ من ﺍﺟﻞ ﺍﻻﺭﺽ